دارمیّات أهوازیّات
ما أرید أنا ألبد ذات و إلبیه أذیّه
بس بالقهر و الضیم یحکم علیّه
...
ملّینه من إلگال و إمن إلشماته
یا صاحبی هل ناس کلمن إو ذاته
...
کل ما کبرت إیزود ضیمک یمگرود
وإلدّنیا تمشی إویاک ما تنصب إحدود
...
أهوازی أحن و أشتاق للیمر بیّه
الضایفنی إخوی إیکون و أدّی إلتحیّه
...
کل إلعرب جیران عود أحلی من عود
ماکو فرق خوّان ما تاجد احدود
...
أحس بألدهر زعلان عذّبنی بهدای
ادخیل أللّه محنه ایهود بالحر بلامای
...
إحنه إلربینه إسباع بإلبر و إلجبال
واجبنه متّحدین و إنغیّر الحال
...
وین إلستر و إلطیب کلنه إنتمنّاه
حقنه إلنصر و إلعون من أللّه ردناه
...
أهلنه عرب و أجواد ما تقبل إعناد
صگر إلتعنّه أیصید ما رد بلا زاد
...
دگّیته صبری إردود لهمیته مافاد
قایدنه سید إلگوم مثل إبن شدّاد
...
آخ إشکثر خوّان خانوا بلیّه
من طحت وسط إلبیر گطعوا علیّه
...
لدقانی إخوی او ماع بس أثر نابه
شفته نکرنی إو خاف سدیته بابه
...
ردت إبن إبوی إیکون بالضیجه موجود
حن یا گلب وإشتاق للیحرص احدود
...
ختلانی وکتی إبللیل صادانی بالبر
من طحت من فزّیت گام إیتعذّر
...
شفت إلحبیب إویای ناره إویه ناری
إمتابعنی من حنّیت شکل إلحواری
...
تابعنی حد إلموت جبت إلمنیّه
إنت إلگطعت إویای وانا الضحیّه
...
أعتب علی إلدلّاک وأعتب بالویاک
أعتب علی إلّی خان و إلموتی وزّاک
...
یا ولفی بسّک زیل ضغطک علیّه
حملی ثگل وإزداد همّک بلیّه
...
یا ولفی گلبی ابنار داوی إباذیّه
أروح و أرد و أشتاق لنّک هویّه
...
إمعذّبنی بسّک جوز آه یا زمانی
شمسوّی داوی إبنار وانا ابمچانی
...
هب إلهوا إو حسّیت دگ دگّته إلباب
ثاری إلهوا ایهز بیه حسبالی إلحباب
...
گلبی إنمرد و إنهار بفراگه سلّیت
یمته یرد الغاب واینوّر إلبیت
...
طافن سنه او سنتین انا أنطر إلباب
إعیونی إعلی دربک ضیف متوسّده إتراب
...
یا من شلت وأبطیت إمفارجنی إشلون
گلّی إلدهر فرگاک لو أنت مسجون
...
یل غبت منّی إسنین و إبگلبی لاجی
خلینی أون إویاک و أشبع بواچی
...
أحّاه إلوکت غدّار وإلفرگه دولاب
ریت إلزمان إیعود و إنشوف إلحباب
...
شال إلتحبّه إلروح وذکر رباته
ما إشوف أثر بالبیت بس ذکریاته
...
أصبر و أصبر إلروح و إلغایب إیعود
حی أنتظر ملگاه بس دربه مسدود
...
یا ریت أکون إلیوم لحظه أنا ویّاک
وأفرش عذاب إلروح و أتمدّد إحذاک
...
أدری إبگلبک دوم حامل محنّه
أللّه کریم أنخاه و إیعودک إلنه
...
شوف إلگلب بیه نار و إمفجّع إهموم
إو ولفی یدث إسموم متعافی مالوم
...
مو عیشتی ویّاک عیشت عصافیر
إلتاکل غریبه إلدار إلما تقبل اتطیر
...
یا ولفی کفنی أرجوک و إلحب نسیته
شیّبت بس بالضیم ما حاسبیته
...
بالدارمی وصّیت و أرسل هدیّه
ما اود أبو تیلات یحکم علیّه
...
یا روحی لتهمّین بس لا تونّین
مو واحد أترجّاه إمضیع لی أثنین
...
ظهری انفصم مجروح چا وین إلحباب
گلبی إنجسم نصّین بسهام إلجناب
...
عینی تهل إدموع ما بیهه ظل مای
إمعذّبنی شال إبعید ما یرجع إهوای
...
إلشال إو جفاچ إبعید ما یرجع إسنین
کف إلدمع بسکوت للیسوا تبچین
...
یا ولفی کف إلّوم ما یسوا تحتار
حط إلحطب بالبیت و أنا أشعل إلنار
...
کافی بعد ملّیت گلبی إنترس دم
گصّیته بالسچّین خاف إیتندّم
...
جاسم ثعلبی الحسّانی 28/06/1400
:: برچسب‌ها:
دارمیّات أهوازیّات ,
:: بازدید از این مطلب : 1444
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
